న్యూ లుక్‌తో బరిలోకి Samantha.. ఫ్యాన్స్ ఫుల్ హ్యాపీ

దిశ, వెబ్‌డెస్క్: సమంత ప్రధాన పాత్రలో నటించిన సినిమా 'యశోద'. ఈ మూవీ ఎంత పెద్ద హిట్ అయిందో ప్రత్యేకంగా చెప్పనవసరం లేదు. అయితే యశోద సినిమా షూటింగ్ అప్పటినుంచే సమంత మయోసైటిస్ అనే వ్యాధితో బాధపడుతున్న విషయం తెలిసిందే. అయినప్పటికీ యశోద ప్రమూషన్స్‌లో పాల్గొంది సమంత. అయితే తన కున్న ప్రాబ్లంతో 'ఖుషి' చిత్రం ఆగష్టులో వాయిదా పడింది. ఈ సినిమాకు తనకు కొన్ని రోజులు టైం కావాలంటూ చిత్ర నిర్మాతలకు కూడా రిక్వెస్ట్ చేసింది సమంత. ఇదిలా ఉంటే.. ఇప్పుడు సమంత ఆరోగ్యం కుదుట పడటంతో యాక్షన్‌లోకి దిగింది.

సమంత తదుపరి చిత్రం 'శాకుంతలం' ఫిబ్రవరి 17న రిలీజ్‌కి రెడీ అవుతుంది. దీంతో ఈ చిత్రానికి డబ్బంగ్‌కు కూడా రెడీ అయింది సమంత. కాగా.. తాజాగా సమంత లేటెస్ట్ లుక్ సోషల్ మీడియాలో తెగ చక్కర్లు కొడుతుంది. ఆమె ముంబై ఎయిర్ పోర్ట్‌లో సందడి చేసింది. మయోసైటిస్ తర్వాత సమంత చాలా నీరసంగా కనిపించింది. కానీ, తాజాగా ముంబై విమానాశ్రమంలో మాత్రం చాలా యాక్టివ్‌గా కనిపిస్తుంది. మేకప్ లేకుండా, బ్లాక్ గ్లాసెస్ పెట్టుకుని వైట్ అండ్ వైట్‌లో లేడీ బాస్‌ల దర్శనమిచ్చి అందరిని ఆశ్చర్యపరిచింది. అంతే కాకుండా విమానాశ్రమంలో అభిమానులకు సెల్ఫీలు కూడా ఇచ్చింది. దీంతో సమంత ఇక యాక్షన్‌లో దిగినట్లే అని అంతా భావిస్తున్నారు. ఈ విషయం తెలిసిన సమంత అభిమానులు పండుగ చేసుకుంటున్నారు.